«ԵԺԿ-ն խրախուսում է ազատ և արդար ընտրությունների անցկացումը, ազատ մամուլի դերը, բացառում է քաղաքական կուսակցությունների ձուլումը պետությանը». Սանդրա Կալնիետե

Եվրոպական խորհրդարանի պատգամավոր, «Եվրանեսթ» ԽՎ-ում ԵԺԿ խմբի նախագահ Սանդրա Կալնիետեն Հելսինկիում ելույթ է ունեցել ԵԺԿ համագումարին, որտեղ, ողջունելով ԵԺԿ իր գործընկերներին, նա անդրադարձել է «Եվրանեսթ» խորհրդարանական վեհաժողովի դերին՝ նշելով, որ այն հարթակ է ոչ միայն Արևելյան գործընկերության գործընկեր երկրների միջև երկխոսության, այլև հենց Արևելյան գործընկերության երկրների իշխանության և ընդդիմության ներկայացուցիչների միջև:

Իր խոսքում Եվրոպական խորհրդարանի պատգամավորն անդրադարձել է իշխանության ճյուղերի տարանջատման կարևորությանը՝ ընդգծելով պետության և քաղաքական կուսակցությունների միջև հստակ սահմանազատումը: Այս համատեքստում Եվրոպական խորհրդարանի պատգամավորը նշել է, որ վերոնշյալ սկզբունքը եվրոպական ժողովրդավարության կարևորագույն հիմնասյուներից մեկն է հանդիսանում՝ ամրագրված ԵԱՀԿ հիմնական փաստաթղթերում, և վերաբերում է՝ ինչպես Արևելյան գործընկերության երկրներներին, այնպես էլ՝ ԵԺԿ համակարգի կուսակցություններին՝ անկախ այն հանգամանքից՝ նրանք ընդդիմությա՞ն թևում են, թե՞ իշխանության:

Սանդրա Կալնիետեն իր խոսքում նաև նշել է, որ ԵԺԿ-ն մեծապես խրախուսում է հանձնառությունը այս սկզբունքը՝ բացառելով քաղաքական կուսակցությունների ձուլումը պետությանը: Այս համատեքստում պատգամավորը նաև նշել է, որ ԵԺԿ-ն շարունակում է խրախուսել ազատ և արդար ընտրությունների անցկացումը, ինչպես նաև ազատ մամուլի դերը:

Անդրադառնալով Արևելյան գործընկերության տարածաշրջանում սպասվող ընտրություններին՝ Սանդրա Կալնիետեն նշել է, որ առաջիկայում սպասվելիք ընտրությունները փորձ կհանդիսանան վերոնշյալ սկզբունքների իրացման համար:
Սանդրա Կալնիետեն իր խոսքում անդրադարձել է նաև եվրոպական ժողովրդավարության մեկ այլ սկզբունքի, այն է՝ համագործակցության և փոխզիջման մշակույթի իրացմանը՝ նպատակ ունենալով գոյություն ունեցող հարցերում ապահովել «win-win» լուծումներ:
Իր խոսքում տիկին Կալնիետեն հույս է հայտնել, որ ԵԺԿ քույր կուսակցությունների կողմից վերոնշյալ սկզբունքների շուրջ նույնանման մոտեցումներ կունենան:

Պատրաստեց 168.am-ը