ԱՄՆ-ը մտադիր է ընդլայնել համագործակցությունը Վրաստանի հետ. Բոլթոն
ԱՄՆ-ի նախագահի ազգային անվտանգության հարցերով օգնական Ջոն Բոլթոնը հոկտեմբերի 26-ին Վրաստանի կառավարության անդամների հետ քննարկել է երկու երկրների համագործակցության ընդլայնման հարցերը։
«Հանդիպումների ընթացքում մենք քննարկեցինք պաշտպանության, անվտանգության, տնտեսության ոլորտներում երկու երկրների համագործակցության զարգացման հարցերը: ԱՄՆ-ը մտադիր է այսուհետեւ էլ օգնություն ցուցաբերել Վրաստանին եւ ընդլայնել երկու երկրների համագործակցությունը»,-հայտարարել է նա լրագրողներին: Բոլթոնի խոսքով՝ «Վաշինգտոնում մտածում են այն բանի շուրջ, թե էլի ինչ ուղղություններով է հնարավոր ակտիվացնել ԱՄՆ-ի եւ Վրաստանի համագործակցությունը»:
Ավելի վաղ ԱՄՆ-ի նախագահի խորհրդականը Թբիլիսիում հանդիպումներ է անցկացրել Վրաստանի արտաքին գործերի նախարար Դավիթ Զալկալիանիի, պաշտպանության նախարար Լեւան Իզորիայի, վարչապետ Մամուկա Բախտաձեի հետ, հաղորդել է ՏԱՍՍ-ը:
