Վահե Գրիգորյանը չընտրվեց ՍԴ անդամ
Սահմանադրական դատարանի անդամի թեկնածու Վահե Գրիգորյանը չընտրվեց: Ըստ նախնական տվյալների՝ քիչ առաջ ԱԺ-ում ավարտված քվեարկությանը մասնակցել է ընդամենը 53 պատգամավոր: Մինչդեռ ՍԴ անդամի ընտրության համար անհրաժեշտ է 63 կողմ քվե:
Նշենք, որ ԱԺ նիստի համար օրվա ընթացքում գրանցվել է 67 պատգամավոր, սակայն ոչ բոլորն են մասնակցել ՍԴ անդամի քվեարկությանը:
Հավելենք, որ արդեն երրորդ անգամ Ազգային ժողովում դատարանմի անդամի ընտրություն է տապալվում: Մինչ այդ Վճռաբեկ դատարանի դատավորի պաշտոնում առաջադրվել էր Ելիզավետա Դանիելյանի, իսկ ՍԴ անդամի պաշտոնում՝ Էմիլ Բաբայանի թեկնածությունը: Երկու դեպքում էլ քվեարկությանը մասնակցել էր անհրաժեշտ թվից քիչ պատգամավոր:
