Վրաերթ Ռուբինյանց փողոցում. 64-ամյա կինը հիվանդանոցում մահացել է
Հոկտեմբերի 16-ին՝ ժամը 15.00-ին, անհայտ ավտոմեքենայի վարորդը Երեւանի Ռուբինյանց փողոցում վրաերթի է ենթարկել 64-ամյա Ալիսա Զաքարյանին։
Ալիսա Զաքարյանը տեղափոխվել է հիվանդանոց, որտեղ գիտակցության չգալով՝ մահացել է:
Ոստիկանության ծառայողների ձեռնարկած միջոցառումների շնորհիվ պարզվել է, որ վրաերթը կատարել է 32-ամյա վարորդը՝ իր վարած «Մերսեդես» մակնիշի ավտոմեքենայով, որը ներկայացել է ոստիկանության Քանաքեռ-Զեյթունի բաժին:
Կատարվում է քննություն։
