Բաղային մեջբերել է Դոստոևսկուն՝ քննադատելով ԱՄՆ-ի քաղաքականությունը՝ Իրանի և Մերձավոր Արևելքի տարածաշրջանի նկատմամբ
Իրանի ԱԳՆ պաշտոնական ներկայացուցիչ Էսմայիլ Բաղային X-ի իր էջում մեջբերել է Ֆյոդոր Դոստոևսկու «Կարամազով եղբայրներ» վեպից ծերունի Զոսիմայի խոսքերը՝ Իրանի և Մերձավոր Արևելքի տարածաշրջանի նկատմամբ ԱՄՆ արտաքին քաղաքականությանը մեղադրելով սուտի նկատմամբ ծայրահեղ կախվածության մեջ:
«Դոստոևսկու «Կարամազով եղբայրներից» այս հատվածը դիպուկ նկարագրում է այն իրավիճակը, որում հայտնվել են ԱՄՆ կառավարման համակարգն ու արտաքին քաղաքականությունը Իրանի և տարածաշրջանի նկատմամբ՝ «սուտի» նկատմամբ իրենց ծայրահեղ կախվածության պատճառով․ «Ինքն իրեն ստողը և սեփական սուտը լսողը հասնում է նրան, որ այլևս ոչ մի ճշմարտություն ո՛չ իր մեջ, ո՛չ շուրջը չի տարբերակում, հետևաբար՝ անհարգալից վերաբերմունք է ցուցաբերում թե՛ իր, թե՛ ուրիշների նկատմամբ»»,- գրել է Բաղային:
Վերջին շաբաթներին Վաշինգտոնն ու Թեհրանը, Մերձավոր Արևելքում միջնորդների մասնակցությամբ, փորձեր են ձեռնարկում համաձայնեցնելու նոր գործարքի պայմանները՝ հակամարտության ավարտի համար: ԱՄՆ նախագահ Դոնալդ Թրամփը օգոստոսի 9-ին հայտարարել է, որ Վաշինգտոնը Թեհրանի հետ բանակցություններ է վարում կես ուժով, մինչդեռ Իրանի տնտեսական իրավիճակը իբր վատթարանում է:
