Իրանը հերքել է Հորմուզի նեղուցում նավարկության անվտանգության վերաբերյալ ԱՄՆ-ի հայտարարությունները
Իրանը հերքել է Հորմուզի նեղուցում նավարկության անվտանգության վերաբերյալ ԱՄՆ-ի հայտարարությունները։
«Խաթամ ալ-Անբիա» կենտրոնական հրամանատարությունում հայտարարել են, որ Հորմուզի նեղուցը լիովին վերահսկվում է Իրանի կողմից, և որևէ առևտրային նավ կամ նավթատար չի կարող անվտանգ անցնել նեղուցով՝ առանց իրանական զինված ուժերի թույլտվության և վերահսկողության։
Ոչ մի նավ չի կարող անցնել Հորմուզի նեղուցով առանց Իրանի թույլտվության։ Այս մասին էլ հայտարարել է Իրանի Իսլամական հեղափոխության պահապանների կորպուսի (ԻՀՊԿ) հրամանատարության ներկայացուցիչը, հայտնում է Fars-ը։
Վաշինգտոնի՝ Հորմուզի նեղուցով նավերի անխոչընդոտ անցման վերաբերյալ հայտարարությունները կեղծ է անվանվել՝ ընդգծելով, որ այդ ջրային ուղին, ինչպես նախկինում, շարունակում է գտնվել Իրանի Իսլամական Հանրապետության լիակատար կառավարման և վերահսկողության ներքո։
Օգոստոսի 13-ին ԱՄՆ նախագահ Դոնալդ Թրամփը հայտարարել էր, որ Հորմուզի նեղուցը լիովին վերահսկվում է ամերիկյան զինված ուժերի կողմից։ Սպիտակ տան ղեկավարի խոսքով՝ Իրանը չունի նավատորմ և ռազմաօդային ուժեր, իսկ մնացած զինվորականները «աշխատավարձ չեն ստանում»։ Նա նաև նշել էր, որ Թեհրանն «ունի միայն կեղծ լուրեր և 300 տոկոսանոց գնաճ», և իրավիճակը «վատթարանում է»։
