ԱՄՆ-ում զինամթերքի հետ կապված խնդիրները ստեղծել է Բայդենը՝ Կիևին աջակցելով. Թրամփ
ԱՄՆ-ում զինամթերքի հետ կապված խնդիրները ստեղծել է Բայդենը՝ Կիևին աջակցելով: Այս մասին հայտարարել է ԱՄՆ նախագահ Դոնալդ Թրամփը Real America’s Voice ռադիոկայանին տված հարցազրույցում, հաղորդում է ՏԱՍՍ-ը:
«Նրանք խոսում են զինամթերքի մասին, մենք զինամթերքի հետ կապված խնդիր չունենք, մենք դրանք բավարար քանակով ունենք։ Բայց պատճառը, թե ինչու դրանք կարող էին ավելի քիչ լինել, այն է, որ Բայդենը Ուկրաինային է փոխանցել ընդհանուր առմամբ 300 միլիարդ դոլարի զինամթերք», – ասել է նա:
Ավելի վաղ ամերիկյան լրատվամիջոցները հաղորդում էին, որ Իրանի հետ հակամարտության պատճառով ԱՄՆ-ում սպառազինության պաշարները հասել են ռեկորդային նվազագույն մակարդակի։ Խոսքը վերաբերում է Patriot ՀՕՊ համակարգերի հրթիռներին, THAAD համալիրների համար նախատեսված ընդհատիչ հրթիռներին, ինչպես նաև ATACMS և PrSM հեռահար հրթիռներին։
