Կոլումբիայի երկրաշարժի զոհերի թիվը հասել է 132-ի, վիրավորվել է 570 մարդ
Կոլումբիայում տեղի ունեցած հզոր երկրաշարժի զոհերի թիվը հասել է 132-ի, ևս 570-ը վիրավորվել է, հաղորդում է Caracol հեռուստաալիքը՝ հղում անելով կառավարության նոր տվյալներին։
«132 մարդ զոհվել է, 570-ը՝ վիրավորվել, իսկ 32 քաղաքներում հայտարարվել է կարմիր տագնապի մակարդակ», – ասվում է հայտարարության մեջ։
Ամենալուրջ իրավիճակը նկատվում է Պերեյրայում և սուրճով առատ այլ շրջաններում, ինչպես նաև Վալե դել Կաուկա և Չոկո դեպարտամենտներում։
Կոլումբիական իշխանություններն ավելի վաղ հայտնել էին 111 զոհի և 87 վիրավորի մասին։
Նախնական տեղեկությունների համաձայն՝ երկրաշարժը վնասել է 1575 բնակելի շենք, որոնցից 61-ը՝ ամբողջությամբ ավերվել։ Մասնավորապես, վնասներ են կրել 18 բժշկական հաստատություններ, 52 կրթական հաստատություններ, 18 ճանապարհային հատվածներ և յոթ օդանավակայաններ։
Հիշեցնենք, որ 7.4 մագնիտուդով երկրաշարժը տեղի է ունեցել օգոստոսի 10-ի առավոտյան։ Էպիկենտրոնը եղել է Սան Խոսե դել Պալմար համայնքի մոտակայքում՝ Չոկո դեպարտամենտում։ Ցնցումները զգացվել են Կոլումբիայի մեծ մասում, ինչպես նաև հարևան Վենեսուելայում, Էկվադորում և Պանամայում։
Կոլումբիայի իշխանությունները հայտարարել են, որ սա ազգային աղետի է և փրկարարական խմբեր են ուղարկել ամենաշատ տուժած շրջաններ։
