Իրավապահները մեքենայից կատարված գnղության դեպք են բացահայտել․ Երևանի 49-ամյա բնակչի նկատմամբ հայտարարվել է հետախnւզում
Ավտոմեքենայից կատարված հերթական գողության վերաբերյալ ահազանգը Համայնքային ոստիկանության Մաշտոցի բաժնում ստացվել էր հուլիսի 2-ի երեկոյան։ Դավթաշենի 2-րդ թաղամասի բնակիչը հայտնել էր, որ պոկել-տարել են «Շևրոլե Վոլտ» մակնիշի իր մեքենայի դիմացի երեսպատոցը՝ վնասելով նաև լուսարձակը։ Պատճառվել էր 250 հազար դրամի վնաս։ Այս մասին հայտնում են ՆԳՆ Ոստիկանությունից:
Նախաձեռնվել էր քրեական վարույթ, և համայնքային ոստիկանների ձեռնարկած միջոցառումների արդյունքում պարզվել էր, որ գողությունը կատարել է մայրաքաղաքի Տիչինայի փողոցի բնակիչ 49-ամյա Սուրեն Կյուրեղյանը։
Սուրեն Կյուրեղյանի նկատմամբ հայտարարվել է հետախուզում։ Նրա գտնվելու մասին տեղեկություն ունեցողներին խնդրում ենք հայտնել Համայնքային ոստիկանության Մաշտոցի բաժին կամ զանգահարել 112։ Տեղեկություն հայտնող անձի գաղտնիությունը երաշխավորվում է։
