Հորդանանը հայտարարել է Իրանի տարածքից արձակված երեք հրթիռների որսման մասին
Հորդանանի զինված ուժերը հայտարարել են, որ հակաօդային պաշտպանության համակարգերը որսացել և խոցել են Իրանի տարածքից արձակված երեք հրթիռ այն բանից հետո, երբ դրանք մուտք են գործել թագավորության օդային տարածք:
Հորդանանի զինված ուժերի հայտարարության մեջ նշվում է, որ որսման գործողության հետևանքով ոչ ոք չի տուժել, նյութական վնաս ևս չի արձանագրվել:
«Զինված ուժերը շարունակում են իրականացնել Թագավորության օդային տարածքի դիտարկումը և պահպանել օպերատիվ պատրաստվածությունը: Նրանք առանց վարանելու կվերացնեն ցանկացած սպառնալիք, որը կսպառնա քաղաքացիների անվտանգությանը, ինքնիշխանությանն ու ամբողջականությանը՝ ըստ մարտական գործողությունների վարման գործող կանոնների»,- ասված է հայտարարության մեջ:
