Քաղցրաշենում 13 տարեկան աղջիկ է մահացել. պատճառը էներգետիկ ըմպելիքի չարաշահո՞ւմն է
Արարատի մարզի Քաղցրաշեն գյուղում երեկ 13-ամյա աղջիկ է մահացել։ Այս մասին հայտնում է «Հրապարակը»։
«Աղջիկն ակտիվ զբաղվում էր ֆուտբոլով։ Գյուղում լուրեր են պտտվում, որ նա էներգետիկ ըմպելիքներ է չարաշահել, ինչի հետևանքով էլ մահացել է»,– գրում է լրատվամիջոցը։
Քաղցրաշենի վարչական ղեկավար Աշոտ Խալաթյանը հաստատել է տեղեկությունը։
«Ջերմել է, հիվանդանոց են տեղափոխել, գլխի հետ կապված թարախային պրոցեսներ են եղել։ Այո՛, ասում են` էներգետիկներ օգտագործել է..․ Շատ ակտիվ երեխա էր, ֆուտբոլային ակումբներից էին արդեն կանչել։ Մեծ ցավ է սա համայնքի համար»,–նշել է նա։
Հավելենք, որ մահացողը Տաթև Ֆախուրյանն է։
