ԱՄՆ ռազմածովային ուժերի առնվազն 19 ռազմանավ է տեղակայվել Մերձավոր Արևելքում. ԶԼՄ
Երեկվա դրությամբ ԱՄՆ ռազմածովային ուժերի առնվազն 19 ռազմանավ, այդ թվում՝ երկու ավիակիր, Իրանի հակամարտության սրման հերթական փուլի ֆոնին տեղակայվել են Մերձավոր Արևելքում: Այս մասին հայտնում է The Washington Post-ը՝ հղում անելով ամերիկացի պաշտոնյային։
ԱՄՆ նախագահ Դոնալդ Թրամփն ավելի վաղ հայտարարել էր, որ Միացյալ Նահանգները մտադիր է ապահովել Հորմուզի նեղուցի անվտանգությունը և այդ նպատակով գանձել նեղուցով անցնող բոլոր բեռների արժեքի 20%-ի չափով գումար։
Աղբյուրի համաձայն՝ այդ նավերի մեծ մասը գտնվում է Արաբական ծովի հյուսիսային մասում։ Խոսքը վերաբերում է 2 ավիակիրների՝ «USS Abraham Lincoln»-ին և «USS George H.W. Bush»-ին, 13 ականակիրների, մեկ «USS Boxer» դեսանտային գրոհային նավի, 1 հածանավի և 2 դեսանտային նավերի։
Ինչպես նշում է թերթը, այստեղ չեն մտնում ատոմային սուզանավերը, քանի որ ԱՄՆ ռազմածովային ուժերը, որպես կանոն, բացահայտում դրանց գտնվելու վայրը։
