Թրամփը կարծում է, որ Իրանի հետ համաձայնագիրը դեռևս հնարավոր է
ԱՄՆ նախագահ Դոնալդ Թրամփը հայտարարել է, որ դեռևս կարծում է, որ Իրանի հետ համաձայնագիրը հնարավոր է։ Այս մասին Թրամփը հայտարարել է Սպիտակ տանը լրագրողների հետ զրույցում, որի տեսանյութը տարածել է Forbes Breaking News-ը։
«Այո, կարծում եմ՝ համաձայնագիրը հնարավոր է։ Իհարկե», – ասել է Թրամփը։
Նա նաև նշել է, որ Իրանին ԱՄՆ-ի ներկայիս հարվածների նպատակը Հորմուզի նեղուցում Իսլամական Հանրապետության ռազմական կարողությունների ոչնչացումն է։
«Մենք ոչնչացնում ենք նրանց այն կարողությունները, որոնք կապված են Հորմուզի նեղուցի հետ», – ասել է նա։
Թրամփի խոսքով՝ ԱՄՆ-ն, ի վերջո, կկարողանա հսկողության տակ առնել նեղուցը։
Միաժամանակ Թրամփն Իրանի հետ հակամարտության ներկա փուլը լայնածավալ ինչ-որ բան չի համարում։
«Դա մի փոքր փոխհրաձգություն է», – ասել է նա։
ԱՄՆ նախագահի խոսքով՝ Իրանը «մնում է աննշան ռազմական հնարավորություններով»։
«Մենք կշարունակենք հարվածներ հասցնել, տեսնենք, թե ինչ կլինի», – հավելել է Թրամփը։
ԱՄՆ-ն և Իրանն արդեն երրորդ գիշերը շարունակ հարվածներ են փոխանակել։ Ի պատասխան երկրի մի շարք վայրերում ամերիկյան հարվածների՝ Իրանը թիրախավորել է տարածաշրջանում ամերիկյան օբյեկտները։
