ԱՄՆ-ը և Իսրայելը պատանդ են վերցրել համաշխարհային տնտեսությունը. Ճապոնիայում Իրանի դեսպան
ԱՄՆ-ը և Իսրայելը փաստացի պատանդ են վերցրել համաշխարհային տնտեսությունը՝ հարձակվելով Իրանի վրա։ Այս մասին ՏԱՍՍ-ի թղթակցի հետ զրույցում հայտարարել է Տոկիոյում Իրանի դեսպան Փեյման Սեադաթը։
«Մենք պատասխանում ենք ինքնապաշտպանության նպատակով՝ մեր սեփական ընտրությամբ։ Այս պատերազմը պարտադրվել է Իրանին։ Նեղուցը բաց էր նույնիսկ ամերիկյան և իսրայելական ռեժիմների ագրեսիվ պատերազմից առաջ։ Նրանք փոխել են ամեն ինչ։ Հորմուզի նեղուցը վերածվել է ռազմադաշտի, և նրանք պատանդ են վերցրել համաշխարհային տնտեսությունը»,- ասել է նա՝ նշելով, որ Իրանը միայն պաշտպանվում է։
