Լիբանանի բանակը վերականգնել է Դիբբին քաղաքի նկատմամբ վերահսկողությունը՝ իսրայելական ուժերի դուրսբերումից հետո
Լիբանանի բանակի ստորաբաժանումները վերականգնել են Լիբանանի հարավում գտնվող Դիբբին քաղաքի նկատմամբ վերահսկողությունն այն բանից հետո, երբ իսրայելական ուժերը դուրս են եկել այդ տարածքից։ Այս մասին հաղորդում է Լիբանանի բանակը։
«Դիբբինի տարածքից իսրայելական ուժերի դուրսբերմանը զուգահեռ բանակի ստորաբաժանումը հեռացրել է Դիբբինի ճանապարհին իսրայելական օկուպացիոն ուժերի կողմից տեղադրված հողե արգելապատնեշները՝ վերաբացելով Մարջիուն-Դիբբին-Իբլ աս-Սակի ճանապարհը», – X-ում հայտնել է Լիբանանի բանակը։
Նշվում է, որ զինվորական ստորաբաժանումներն աստիճանաբար տեղակայվում են տարածքում, իսկ մասնագիտացված ստորաբաժանումներն ինժեներական հետազոտություն են անցկացնում տարածքում՝ չպայթած զինամթերքը հեռացնելու նպատակով։
«Զինվորական հրամանատարությունը կոչ է անում քաղաքացիներին հեռու մնալ տարածքից և հետևել ռազմական ստորաբաժանումների հրահանգներին մինչև տեղակայման ավարտը», – նշված է հայտարարության մեջ։
Դիբբինը գտնվում է Լիտանի գետից արևելք՝ համանուն նահանգի կենտրոնից՝ Նաբատիեից 30 կիլոմետր հեռավորության վրա: Նրա նպաստավոր դիրքը թույլ է տալիս բարձր կետից վերահսկել հարավային Լիբանանի արևելյան հատվածը և Իկլիմ աթ-Թուֆֆահ շրջանը, որը համարվում է «Հեզբոլլահ»-ի հենակետ։
