Գողության դեպքեր են բացահայտվել
Համայնքային ոստիկանության Դավիթաշենի բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ Երևան քաղաքի բնակիչ 35 և 49 տարեկան երեք տղամարդ, նախնական համաձայնությամբ, մայիսի 16-ին՝ ժամը 6-ի սահմաններում, Արարատի մարզի Այնթապ գյուղի 40-ամյա բնակչի կողմից շահագործվող «Ֆոլքսվագեն Ման» ավտոտարհանիչ մանիպուլյատոր բեռնատարով ապօրինի մուտք են գործել Դավիթաշենի 2-րդ թաղամասում գտնվող ՍՊ ընկերության տարածք և հափշտակել հրակայուն աղյուսներ, որոնք այնուհետև վաճառել են 37-ամյա մի տղամարդու։
Պարզվել է նաև, որ վերոհիշյալ երեք տղամարդիկ օրեր անց մեկ այլ բեռնատարով ապօրինի մուտք են գործել նույն ընկերության տարածք և հափշտակել 2 տոննա մետաղական ամրաններ, որոնք դարձյալ վաճառել են։
Հետագա միջոցառումների արդյունքում պարզվել է, որ հրակայուն աղյուսները գտնվում են 37-ամյա տղամարդու՝ Նոր Խարբերդի 8-րդ փողոցում գտնվող տան բակում։
35-ամյա, 40-ամյա և 37-ամյա տղամարդիկ հայտնաբերվել և տեղափոխվել են Համայնքային ոստիկանության Դավիթաշենի բաժին։ Տուժողից ընդունվել է հաղորդում։
Կազմված փաստաթղթերը ներկայացվել են նախաքննական մարմին։
Ձեռնարկվում են միջոցառումներ՝ ամրանները հայտնաբերելու ուղղությամբ։
