Բելառուսի ընդդիմության առաջնորդ Սվետլանա Տիխանովսկայան ժամանել է Կիև
Բելառուսի ընդդիմության առաջնորդ Սվետլանա Տիխանովսկայան երկուշաբթի առավոտյան ժամանել է Ուկրաինայի մայրաքաղաք Կիև, գրում է BBC-ի ռուսական ծառայությունը։
Անցյալ շաբաթ Ուկրաինայի ԱԳ նախարարությունը բելառուսական ընդդիմության հետ կապերի համար պատասխանատու է նշանակել, իսկ մինչ այդ արտգործնախարար Անդրեյ Սիբիհան հանդիպել է Տիխանովսկայայի հետ։
Տիխանովսկայան այցելել է Լուկյանովսկոյեի զինվորական գերեզմանատուն, որտեղ թաղված է Դոնբասում զոհված 24-ամյա բելառուս ակտիվիստ Մարիա Զայցևան։
«Ինձ համար շատ կարևոր էր սկսել այս այցը՝ հարգանքի տուրք մատուցելով այն մարդու հիշատակին, ով իր կյանքը զոհաբերեց Ուկրաինայի և Բելառուսի ազատության համար»,- գրել է Տիխանովսկայան տելեգրամում։
Նախատեսվում են նրա հանդիպումները Ուկրաինայի նախագահ Վլադիմիր Զելենսկիի, ԱԳ նախարար Անդրեյ Սիբիհայի, Գերագույն ռադայի ղեկավարության և ԵՄ դիվանագետների հետ։ Տեղի կունենա նաև «Ուկրաինայում Բելառուսի ժողովրդավարական ուժերի առաքելության բացումը»։
Վլադիմիր Զելենսկին Սվետլանա Տիխանովսկայային Կիև էր հրավիրել նրանց առաջին պաշտոնական երկկողմ հանդիպման ժամանակ, որը տեղի է ունեցել 2026 թվականի հունվարին Վիլնյուսում:
