Ալեգրին պատրաստ է մնալ «Միլանում» միայն երկու պայմանով
Մասիմիլիանո Ալեգրին պատրաստ է 2025/26 մրցաշրջանից հետո շարունակել աշխատել «Միլանում» որպես գլխավոր մարզիչ, եթե ակումբի ղեկավարությունը կատարի իր երկու պահանջները, հաղորդում է La Gazzetta dello Sport-ը։
Աղբյուրի համաձայն՝ 58-ամյա իտալացին պահանջում է վերջ դնել ներքին կոնֆլիկտներին, որոնք խաթարել են իր հեղինակությունը ամբողջ մրցաշրջանի ընթացքում, ինչպես նաև զգալի ներդրումներ կատարել տրանսֆերային շուկայում։
Ալեգրիի պայմանագիրը ներառում է ավտոմատ երկարաձգում մինչև 2028 թվականի հունիս՝ տարեկան մոտ 6 միլիոն եվրո աշխատավարձով, եթե «Միլանը» ապահովի Չեմպիոնների լիգայի ուղեգիր մրցաշրջանի վերջին շաբաթում:
Իտալիայի առաջնության վերջին փուլից առաջ ակումբը 70 միավորով զբաղեցնում է մրցաշարային աղյուսակի երրորդ հորիզոնականը։
