ԱՀԿ-ն Աֆրիկայում Էբոլայի բռնկումը հայտարարել է միջազգային մասշտաբի արտակարգ իրավիճակ

Առողջապահության համաշխարհային կազմակերպությունը հայտնել է Էբոլա վիրուսի լուրջ բռնկման մասին։ Կոնգոյի Դեմոկրատական Հանրապետությունում արդեն գրանցվել են վարակման հարյուրավոր դեպքեր և տասնյակ մահեր, իսկ Ուգանդայում հայտնաբերվել են հիվանդներ, որոնք ժամանել էին հարևան երկրից։

Հիշեցնենք՝ ըստ վերջին տվյալների՝ Կոնգոյում Էբոլա տենդից մահացածների թիվը հասել է 88-ի, ենթադրվում է հիվանդության 336 դեպք։

Կոնգոյի արևելքում Էբոլա տենդի բռնկման մասին հայտնել է Աֆրիկայի առաջատար առողջապահական գործակալությունը։ Այդ երկրի իշխանությունները դեռ պաշտոնական հայտարարություն չեն արել։