Իրանին չի հաջողվի ոչ շահավետ գործարք պարտադրել Թրամփին. Ռուբիո
ԱՄՆ-ի նախագահ Դոնալդ Թրամփը թույլ չի տա Իրանին Մերձավոր Արևելքում լարվածության պատճառով բենզինի գների աճն օգտագործել այն բանի համար, որպեսզի հակամարտության կարգավորման շուրջ Վաշինգտոնի համար ոչ շահավետ գործարք կնքվի: Այս մասին NBC News-ին տված հարցազրույցում հայտարարել է ԱՄՆ-ի պետքարտուղար Մարկո Ռուբիոն։
«Նախագահը հստակ հասկացրել է, որ իրանցիները չեն կարող մեզ պարտադրել վատ գործարք կնքել՝ մեր դեմ օգտագործելով մեր ներքին քաղաքականությունը», – ասել է Ռուբիոն։
Նա հիշեցրել է, որ ԱՄՆ-ում արդեն միջոցներ են ձեռնարկվել բենզինի գները պահպանելու համար, և «դրանք նվազելու են»։
Մայիսի 12-ին Թրամփը հայտարարել է, որ իրեն չի մտահոգում ամերիկացիների ֆինանսական վիճակը Իրանի հետ կապված իրադրության պատճառով, քանի որ ինքը փորձում է կանխել ավելի լուրջ խնդիր՝ Իրանի կողմից միջուկային զենք ստեղծելը։
Թրամփը նաև սպառնացել է, որ եթե Իրանի իշխանությունները «չանեն այն, ինչը ճիշտ է», ապա ինքը «կավարտի աշխատանքը»։
