Իրանում «Մոսադի» հետ կապված 2 խմբավորում է ձերբակալվել
Իրանի հետախուզության նախարարության աշխատակիցները ձերբակալել են երկու խմբավորման, որոնք կապված են իսրայելական «Մոսադ» հետախուզության հետ: Ձերբակալության ընթացքում սպանվել է խմբավորման անդամներից մեկը: Այս մասին հայտնում է Իսլամական Հանրապետության հետախուզության նախարարությունը։
Հաղորդագրության համաձայն՝ ևս մեկ խմբավորման անդամներ հայտնաբերվել և ձերբակալվել են երկրի հարավ-արևելքում գտնվող Քերման և հյուսիսում գտնվող Ալբորզ մարզերում: Իրավապահ ուժերը ձերբակալվածներից առգրավել են խլացուցիչներով երեք Colt ատրճանակ, զրահաբաճկոն, Winchester հրացան, դիպուկահար հրացան, մեծ քանակությամբ զինամթերք և Starlink տերմինալ: Նախարարության տվյալներով՝ Իրանի հյուսիսում սահմանը հատելու փորձի ժամանակ ձերբակալվել է ևս մեկ գործակալ:
Ձերբակալվածը մտադիր էր Իրանի նկատմամբ թշնամական երկրների հատուկ ծառայություններին փոխանցել երկրի հյուսիսում գտնվող Ղազվին նահանգի ռազմական կենտրոնների մասին կառուցվածքային տեղեկատվություն:
Հիշեցնենք, որ ԱՄՆ-ն և Իսրայելը փետրվարի 28-ին սկսել էին հարվածներ հասցնել Իրանի տարածքում գտնվող օբյեկտներին, ագրեսիայի զոհ էր դարձել ավելի քան 3 հազար մարդ։ Վաշինգտոնն ու Թեհրանը ապրիլի 8-ին հայտարարեցին կրակի երկշաբաթյա դադարեցման մասին։ Դրանից հետո Իսլամաբադում անցկացված բանակցություններն ավարտվեցին անարդյունք, ընդ որում՝ մարտական գործողությունների վերսկսման մասին չէր հաղորդվում, սակայն ԱՄՆ-ն սկսեց իրանական նավահանգիստների շրջափակումը։
Շրջափակման մեկնարկի պատճառով Իրանի զինված ուժերը վերականգնել են Հորմուզի նեղուցի նկատմամբ վերահսկողության ռազմական ռեժիմը։
