Իսրայելի բանակը հայտնել է մեկ շաբաթվա ընթացքում «Հզբոլլահի» 70 թիրախ ոչնչացնելու մասին
Իսրայելցի զինվորականները անցած շաբաթվա ընթացքում Լիբանանում ոչնչացրել են «Հզբոլլահ» շարժման շուրջ 70 թիրախ և ոչնչացրել են այդ կազմակերպության ավելի քան 30 անդամի: Այս մասին հայտնել է Իսրայելի պաշտպանության բանակի (ՑԱԽԱԼ) մամուլի ծառայությունը:
Զինվորականները հավելել են, որ կշարունակեն գործել Իսրայելի քաղաքացիական անձանց և ՑԱԽԱԼ-ի զինվորների դեմ ուղղված սպառնալիքներին հակադարձելու նպատակով՝ քաղաքական ղեկավարության հրահանգներին համապատասխան:
Պաշտոնապես Լիբանանի և Իսրայելի միջև պահպանվում է հրադադարի ռեժիմը, սակայն իսրայելական ավիացիան և հրետանին շարունակում են ամենօրյա հարվածները Լիբանանի տարածքին: «Հզբոլլահ» շարժումը պատասխանում է սահմանամերձ գոտում իսրայելցի զինվորականների վրա հարձակումներով: ՑԱԽԱԼ-ում պարբերաբար մեղադրում են «Հզբոլլահին» հրադադարի ռեժիմը խախտելու մեջ:
