Պակիստանի և Իրանի ԱԳ նախարարները քննարկել են Մերձավոր Արևելքում խաղաղություն ապահովման ջանքերը
Պակիստանի արտաքին գործերի նախարար Իսհաք Դարը և նրա իրանցի պաշտոնակից Աբբաս Արաղչին հեռախոսազրույցի ընթացքում մտքեր են փոխանակել Մերձավոր Արևելքում ստեղծված իրադրության վերաբերյալ և քննարկել տարածաշրջանում խաղաղության հաստատմանն ուղղված ջանքերը: Այս մասին հաղորդել է Պակիստանի արտաքին գործերի նախարարությունը։
«Քննարկումը կենտրոնացած էր տարածաշրջանային իրադրության և տարածաշրջանում խաղաղության ու կայունության ապահովման՝ Պակիստանի կողմից շարունակվող դիվանագիտական ջանքերի վրա», – ասվում է X-ում գերատեսչության հաղորդագրության մեջ։
Հրապարակման համաձայն՝ Արաղչին բարձր է գնահատել Իսլամաբադի միջնորդական ջանքերը և նրա կառուցողական դերն Իրանի և Միացյալ Նահանգների միջև բանակցային գործընթացում։ Դարն իր հերթին ընդգծել է, որ «երկխոսությունն ու դիվանագիտությունը մնում են խաղաղ կարգավորման և տարածաշրջանում և դրա սահմաններից դուրս կայունության հասնելու միակ կենսունակ ուղին»։
Ավելի վաղ հաղորդվել էր, որ Իրանը Պակիստանի միջոցով ԱՄՆ-ին է փոխանցել 14 կետից բաղկացած առաջարկ՝ համաձայնության հասնելու ճանապարհային քարտեզով։ ԱՄՆ-ն այդ առաջարկին իր պատասխանը Պակիստանի միջոցով փոխանցել է Իրանին։
