Եվրահանձնաժողովը դժվար ամառ և ավիատոմսերի գնաճ է կանխատեսել Եվրոպայի համար
Էներգետիկայի հարցերով եվրահանձնակատար Դան Յորգենսենը դժվար ամառ և ավիատոմսերի գնաճ է կանխատեսել Եվրոպայի համար։ La Vanguardia թերթին տված հարցազրույցում նա հայտարարել է, որ Եվրոպան շատ լուրջ վիճակում է, որն «ամենայն հավանականությամբ կվատթարանա»։
«Մեր վերլուծության համաձայն` նույնիսկ եթե վաղը խաղաղություն հայտարարվի, մեզ դժվար շաբաթներ, ամիսներ և նույնիսկ տարիներ են սպասում, ինչ վերաբերում է էներգակիրների գներին… Լավագույն դեպքում մենք պետք է պատրաստվենք շատ դժվար ամռան։ Ավիատոմսերը կթանկանան, իսկ որոշ դեպքերում նույնիսկ չվերթերի չեղարկումներ են հնարավոր», – նշել է նա։
Յորգենսենի խոսքով` ամենաբարդը կլինի գազի դեպքում, քանի որ մատակարարումների վերականգնումը, հաշվի առնելով Կատարում տեղի ունեցած ավերածությունները, ժամանակ կպահանջի։
«Իհարկե, սա ևս հետևանքներ կունենա. գները բավականին երկար ժամանակ բարձր կմնան», – բացատրել է Յորգենսենը։
Նավթի հետ կապված իրավիճակը կարող է ավելի արագ բարելավվել, սակայն մի քանի շաբաթը , ըստ պաշտոնյայի, կարող է վճռորոշ լինել, եթե Եվրոպան մնա առանց ինքնաթիռների վառելիքի կամ դիզվառելիքի։
Եվրահանձնակատարը կոչ է արել գնաճի պատրաստվել։
