Բանգլադեշում ավտոբուսը գետն է ընկել. 18 մարդ զոհվել է
Բանգլադեշում ուղևորներ տեղափոխող ավտոբուսը ընկել է Պադմա գետը, ինչի հետևանքով 18 մարդ զոհվել է: Այս մասին հաղորդում է Daily Star-ը։
Հրատարակության տվյալներով՝ ողբերգությունը տեղի է ունեցել չորեքշաբթի կեսօրին։ Ավտոբուսը գետն է ընկել Դաուլատդիա գյուղի մոտ գտնվող լաստանավային տերմինալից։ Որոնողական աշխատանքներից հետո փրկարարները հայտնաբերել են 18 դի: Զոհվածների մեջ եղել են նաև երեխաներ։
«Առնվազն 18 մարմին է հայտնաբերվել այսօր վաղ առավոտյան»,- ասվում է հրապարակման մեջ։
Այս պահին անհայտ է, թե ինչն է ավտոբուսի գետն ընկնելու պատճառը եղել:
