Իրանի Խորամաբադ և Ուրմիա քաղաքներում բնակելի շենքեր են հարվածների ենթարկվել
Իրանի արևմտյան Խորամաբադ քաղաքում բնակելի թաղամասի ռմբակոծության հետևանքով առնվազն 1 երեխա է զոհվել, մի քանի մարդ՝ վիրավորվել։ Այս մասին հաղորդում է Reuters գործակալությունը՝ հղում անելով իրանական ԶԼՄ-ներին։
Բացի այդ, ըստ հրապարակման՝ Իրանի հյուսիս-արևմուտքում գտնվող Ուրմիա քաղաքին հասցված ավիահարվածի հետևանքով վնասվել են բնակելի շենքեր։ Կարմիր մահիկի փրկարարները որոնողական աշխատանքներ են իրականացնում։ Տուժածների մասին տեղեկություններ առայժմ չեն հաղորդվել։
Իսրայելի բանակն իր հերթին հայտնել է Թեհրանին հարվածելու մասին։
