Իրանի ԱԳ նախարարն ու ԱՄՆ նախագահի հատուկ բանագնաց Սթիվ Ուիթքոֆը հաղորդագրություններ են փոխանակում
Իրանի արտաքին գործերի նախարար Աբբաս Արաղչիի և ԱՄՆ նախագահի հատուկ բանագնաց Սթիվ Ուիթքոֆի միջև տեղի է ունենում հաղորդագրությունների փոխանակում։ Հաղորդագրությունները վերաբերում են տարբեր հարցերի. ըստ «ՌԻԱ Նովոստի»-ի՝ այս մասին հայտարարել է ՄԱԿ-ում Իրանի դեսպան և մշտական ներկայացուցիչ Ալի Բահրեյնին։
«Մեր արտաքին գործերի նախարարի և Ուիթքոֆի միջև տարբեր հարցերի շուրջ ոչ պաշտոնական հաղորդագրություններ են փոխանակվում, սակայն դժվար թե կարելի է այդ ամենը բանակցություն անվանել», – ասել է Բահրեյնին։
