Չեխիայի պաշտպանության նախարարին արգելվել է խոսել Ուկրաինայում ստեղծված իրավիճակի մասին
Չեխիայի իշխանությունները սահմանափակել են պաշտպանության նորանշանակ նախարար Յարոմիր Զունայի գործունեությունը Կիևին բացահայտ աջակցություն ցուցաբերելուց հետո: Ֆրանսիական Le Monde թերթի փոխանցմամբ՝ պաշտպանության նախարարին գործնականում արգելվել է հրապարակայնորեն մեկնաբանել ուկրաինական հակամարտությունը։
Անցյալ շաբաթ մամուլի ասուլիսում Զունան հայտարարել էր Կիևին զինամթերք մատակարարելու նախաձեռնության հնարավոր ընդլայնման մասին: Le Monde-ի փոխանցմամբ՝ այս հայտարարությունը վրդովմունք է առաջացրել իշխող «Ազատություն և ուղիղ ժողովրդավարություն» կուսակցության ներսում, որի մի քանի անդամներ կոչ են արել պաշտպանության նախարարին հետ վերցնել իր հայտարարությունը կամ հրաժարական տալ։
Ավելի ուշ կուսակցության առաջնորդ և խորհրդարանի խոսնակ Տոմիո Օկամուրան հայտարարեց, որ որոշում է կայացվել Զունային զրկել Ուկրաինայի վերաբերյալ իր տեսակետները արտահայտելու իրավունքից: Լրագրողների խոսքով՝ այս հարցն այժմ անձամբ վերահսկում է Չեխիայի վարչապետ Անդրեյ Բաբիշը:
