Բժիշկը բացահայտել է երկարակեցության գաղտնիքը
Ուռուցքաբան Սիլվիո Գարատինին նշել է, որ կյանքը երկարացնելու համար անհրաժեշտ է քիչ ուտել։ Նա այս անսպասելի երկարակեցության գործոնը բացահայտել է 20minutos-ին տված հարցազրույցում։
«Ինչպես մեր մեծերն էին ասում, սեղանից պետք է հեռանալ թեթևակի քաղցի զգացումով։ Հետազոտությունները ցույց են տվել, որ սննդի ընդունումը 30 տոկոսով կրճատելը կարող է հանգեցնել կյանքի տևողության 20 տոկոսով ավելացման»,- բացատրել է Գարատինին։
Մասնագետը նաև թվարկել է երկարակեցության այլ գործոններ՝ օրական առնվազն հինգ կիլոմետր արագ քայլել և հավասարակշռված սննդակարգ: Նա պնդում է, որ նույնիսկ 80 տարեկանում կարելի է սկսել առողջ ապրելակերպ:
