«Ռեալ Մադրիդը» կհեռացնի Ալոնսոյին, եթե կիրակի թիմը չհաղթի «Ալավեսին»
«Ռեալ Մադրիդի» ղեկավարությունը կհեռացնի գլխավոր մարզիչ Խաբի Ալոնսոյին, եթե թիմը չկարողանա հաղթել «Ալավեսին» Լա Լիգայի 16-րդ տուրի խաղում, որը տեղի կունենա կիրակի՝ դեկտեմբերի 14-ին։ Այս մասին հայտնել է The Touchline-ը՝ հղում անելով La Sexta-ի լրագրող Խոսե Սանչեսին:
Նախկինում լրատվամիջոցները հայտնել էին, որ իսպանացի մարզիչը կհեռացվի Չեմպիոնների լիգայի 6-րդ տուրում «Մանչեսթեր Սիթիից» կրած 2:1 հաշվով պարտությունից հետո։ Սակայն խաղից հետո լուրեր տարածվեցին, որ դա տեղի չի ունենա։
Ալոնսոն մադրիդյան թիմը գլխավորում է 2025 թվականի ամռանից։ Իսպանիայի առաջնության 16 տուրից հետո «սերուցքայիններն» ունեն 36 միավոր և զբաղեցնում են երկրորդ հորիզոնականը:
