Պուտինը Ռուսաստանի քաղաքացիություն է շնորհել վրացի դերասանին
Ռուսաստանի նախագահ Վլադիմիր Պուտինը հրամանագիր է ստորագրել վրացի դերասան Վալերի Խարյուչենկոյին քաղաքացիություն շնորհելու մասին: Ռուսաստանի ղեկավարի հրամանագիրը հայտնվել է իրավական ակտերի հրապարակման պաշտոնական պորտալում։
Քաղաքացիություն շնորհելու որոշումը կայացվել է Ռուսաստանի Սահմանադրության 89-րդ հոդվածի «ա» կետի համաձայն: Այս դրույթը նախագահին թույլ է տալիս որոշումներ կայացնել քաղաքացիության և քաղաքական ապաստանի հարցերով։
Խարյուչենկոն Թբիլիսիի Ա. Ս. Գրիբոյեդովի անվան պետական ակադեմիական ռուսական դրամատիկական թատրոնի ռեժիսորն է: Դերասանը թատրոնում ծառայել է 1971 թվականից՝ Մոսկվայում Շչեպկինի անվան դպրոցն ավարտելուց հետո: Նա պարգևատրվել է Վրաստանում Պատվո շքանշանով և Ռուսաստանում Բարեկամության շքանշանով:
