Մեր հորդորն է, որ ձեր ընտրական իրավունքի իրացման բարձր գիտակցությամբ՝ ձեր վճռական մերժումը արտահայտեք առկա խունտայի նկատմամբ. Միքայել Սրբազան
Միքայել արքեպիսկոպոս Աջապահյանը ՔԿՀ-ից ուղերձով է հանդես եկել, որը ներկայացնում ենք ստորև․
«Մեզ համար հարազատ Վաղարշապատ համայնքի շատ սիրելի բնակիչներ,
լուրջ և պատասխանատու ընտրություն եք կատարելու առաջիկա կիրակի, որից կախված է ոչ միայն մեր հոգևոր մայրաքաղաքի հոգևոր և քաղաքական անվտանգությունը, այլև մեր ողջ երկրի հետագա ընթացքի ուղղվածությունը մինչև գալիք համապետական ընտրություններ։
Այս առումով մեր հորդորն է, որ ի սեր մեր հայրենիքի ազատագրության գործող հակազգային և հակահայկական իշխանություններից, ձեր ընտրական իրավունքի իրացման բարձր գիտակցությամբ ձեր վճռական մերժումը արտահայտեք առկա խունտայի նկատմամբ, ընդդիմադիր ցանկացած ուժին ձեր տված քվեով՝ ի պատիվ հոգևոր վերածնունդ ապահովող Վաղարշապատի։
Աստված պահապան ձեզ և բոլորիս
13․11․25
140-րդ օր ապօրինի ազատազրկման»:
