Եվրահանձնաժողովի ղեկավարը բացահայտել է Ուկրաինային ֆինանսավորելու երեք եղանակ
Ներկայումս ուսումնասիրում ենք Ուկրաինայի համար ֆինանսավորման երեք տարբերակ, այդ թվում՝ բյուջետային միջոցներով երաշխավորված ԵՄ ընդհանուր վարկը, ԵՄ առանձին երկրների ներդրումները և ռուսական ակտիվներով ապահովված վարկը։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լեյենը, հաղորդում է РИА Новости-ն:
«Առաջին տարբերակը բյուջետային ռեսուրսների օգտագործումն է կապիտալի շուկաներում միջոցներ ներգրավելու համար»,- ասել է նա։
Ըստ Եվրահանձնաժողովի ղեկավարի՝ երկրորդ տարբերակը ենթադրում է միջկառավարական համաձայնագրի կնքում, որի համաձայն անդամ պետությունները ինքնուրույն կհավաքեն անհրաժեշտ կապիտալը։ Երրորդ տարբերակը, նշել է նա, ռուսական ակտիվների վրա հիմնված այսպես կոչված փոխհատուցման վարկի օգտագործումն է։
