Կադրերում երևում է, որ փրկարար ծառայության աշխատակիցներից մեկը սնդուկ է հանել առաջնորդանից և փորձում է լինգով բացել այն. Sputnik Արմենիա
Հոգևորականներից բացի, ձերբակալվել են նաև Արագածոտնի առաջնորդարանի հաշվապահը, գլխավոր հաշվապահը, գործավար–քարտուղարը։ ՀՀ քննչական կոմիտեի շենքի մոտ լրագրողների հետ զրույցում այդ մասին հայտնեց փաստաբան Մարինե Ֆարմանյանը։
Նրա խոսքով` նշված անձինք կանայք են։
Ֆարմանյանին ու մյուս փաստաբաններին թույլ չեն տալիս մտնել ՔԿ։ Շենքի մուտքը հսկում են ոստիկանության աշխատակիցները։
Sputnik Արմենիայի փոխանցմամբ՝ այս ընթացքում ՆԳՆ փրկարար ծառայության աշխատակիցները ԱԱԾ–ի հատուկջոկատայինների հետ մտան Արագածոտնի առաջնորդարան։
ԱԻՆ աշխատակիցներն առաջնորդարան մտան հատուկ սաղավարտներով ու լինգերով։
Sputnik Արմենիայի կադրերում երևում է, որ փրկարար ծառայության աշխատակիցներից մեկը սնդուկ է հանել առաջնորդանից և փորձում է լինգով բացել այն։
