Բուսական յուղի պատերազմ` ԱՄՆ-ի և Չինաստանի միջև. 450 միլիարդ դոլարի կորուստ
ԱՄՆ նախագահ Դոնալդ Թրամփը սպառնացել է դադարեցնել բուսական յուղի առևտուրը Չինաստանի հետ և ավելացնել ԱՄՆ-ում ներքին արտադրությունը։
Թրամփի կողմից այս հայտարարությունն արվել է հոկտեմբերի 14-ին՝ ի պատասխան Պեկինի կողմից ամերիկյան սոյա գնելուց հրաժարվելուց հետո, որը Թրամփի կողմից որակվել է որպես «տնտեսապես թշնամական ակտ»։
Թրամփը պնդում է, որ Չինաստանը դիտավորյալ դադարեցրել է սոյա գնել ամերիկացի ֆերմերներից՝ նրանց վնասելու համար։ Նա կարծում է, որ սա թշնամական գործողություն է իրենց նկատմամբ, որը աարժանի պատասխանի պետք է արժանի պատասխան ստանա:
Որպես պատասխան միջոց՝ ԱՄՆ վարչակազմը քննարկում է Չինաստանի հետ կենցաղային բուսական յուղի և այլ ապրանքների գծով առևտրային հարաբերությունները խզելու հարցը։
Իր հայտարարության մեջ Թրամփը շեշտել է, որ ԱՄՆ-ն կարող է հեշտությամբ կարող է նախաձեռնել բուսական յուղի սեփական արտադրությունը՝ առանց Չինաստանից գնելու անհրաժեշտության։
Որոշ ԶԼՄն-ներ այդ կապակցությամբ գրել են, որԱՄՆ շուկան ընդամենը 7 րոպեում կորցրեց 450 միլիարդ դոլար, այն բանից հետո, երբ Թրամփը սպառնաց Չինաստանից այն ներմուծելու փոխարեն ԱՄՆ-ում սկսել բուսական յուղի արտադրությունը։
ԱՄՆ-ի և Չինաստանի միջև առևտրային հարաբերությունների հնարավոր սրման մասին լուրը հանգեցրել է S&P 500 ֆոնդային ինդեքսի անկման։ Մասնագետները նշում են, որ նման հռետորաբանությունը լարվածություն է առաջացնում շուկաներում։
Այս իրավիճակը նման է 2018 թվականի իրադարձություններին, երբ Չինաստանի հետ
առևտրային պատերազմը ամերիկացի ֆերմերներին կրկին դժվարին իրավիճակում դրեց Պեկինի կողմից սոյայի գնումների կրճատման պատճառով։
