Ավտովթար Գեղարքունիքի մարզում․ կա 2 զոհ, 5 վիրավոր
Գեղարքունիքի մարզում ավտովթար է տեղի ունեցել, որի հետևանքով կա 2 զոհ, 5 վիրավոր։ Այս մասին գրում է shamshyan.com–ը։
Նշվում է, որ այսօր` ժամը 18։25-ի սահմաններում, «Օպել Զաֆիրա» մակնիշի ավտոմեքենան Ծովագյուղ–Շորժա–Վարդենիս ավտոճանապարհի 80 կմ հատվածում դուրս է եկել երթևեկելի գոտուց, մի քանի պտույտ շրջվել և հայտնվել դաշտում։
«Վթարի հետևանքով 2 մարդ տեղում մահացել են, 5 հոգի տեղափոխվել են Վարդենիսի բժշկական կենտրոն»,–գրում է կայքը։
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդի, մահացածների և վիրավորների ինքնությունը։
Քննիչի հանձնարարականով ավտոմեքենան տեղափոխվել է ոստիկանության Վարդենիսի բաժնի պահպանվող հատուկ տարածք։
