Թուրքիայի ԱԽ նիստում քննարկվել է Հայաստանի հետ հարաբերությունների կարգավորումը
Սեպտեմբերի 30֊ին տեղի է ունեցել Թուրքիայի անվտանգության խորհրդի (ԱԽ) նիստ՝ նախագահ Ռեջեփ Թայիփ Էրդողանի գլխավորությամբ։ Այս մասին տեղեկացնում է ermenihaber.am-ը։
Ըստ Էրդողանի աշխատակազմի հանրային կապերի վարչության տարածած հաղորդագրության` նիստի ընթացքում քննարկվել են նաև Հայաստանի հետ հարաբերությունների կարգավորման հարցը։
«Քննարկվել է Հայաստանի հետ հարաբերությունների կարգավորման գործընթացը, շեշտվել է տրանսպորտային ուղու կարևորությունը, որը, ապահովելով Ադրբեջանի և Նախիջևանի միջև անխոչընդոտ կապը, օգուտներ կբերի տարածաշրջանի բոլոր երկրներին։
Նաև ընդգծվել է մեր կամքը՝ հաստատելու վերջնական խաղաղություն»,-ասվում է Թուրքիայի նախագահականի տարածած հաղորդագրությունում։
