Ալիևը ՄԱԿ-ի Գլխավոր ասամբլեայի ամբիոնից պարծեցել է Ադրբեջանի «հաղթանակով»
Ադրբեջանը նոր դարաշրջան է մտել, հայտարարել է Ադրբեջանի նախագահ Իլհամ Ալիևը ՄԱԿ-ի Գլխավոր ասամբլեայում իր ելույթի ժամանակ, ըստ ադրբեջանական լրատվամիջոցների։
«Մենք հաղթել ենք և՛ պատերազմում, և՛ խաղաղությունում։ Մենք վերջ ենք դրել օկուպացիային և սկսել ենք վերակառուցումը։ Արդարությունը հաղթանակել է, ինքնիշխանությունը ամրապնդվել է, և փաստացի խաղաղությունը հաստատվել է։ Մենք պատրաստ ենք կիսվել այս դրական փորձով», – հայտարարել է Ալիևը։
«Եկեք միասին կառուցենք մի աշխարհ, որտեղ կրկնակի չափանիշները վերացված են, արդարադատությունը ընտրողական չէ, օրենքի գերակայությունը հարգված է, և խաղաղությունը ապահովվում է ոչ միայն խոսքերով, այլև գործնական քայլերով», – հավելել է նա։
