Դեյվիդ Բոուիի տիեզերքը նոր հասցե ունի Լոնդոնում
Դեյվիդ Բոուիի կենտրոնը, որը գտնվում է Վիկտորիայի և Ալբերտի թանգարանի (V&A) պահոցում՝ Ստրատֆորդում, արևելյան Լոնդոն, դարձել է իսկական գանձարան հայտնի երաժշտի երկրպագուների համար: Արխիվում ներկայացված է Բոուիի ժառանգության ֆոնդից ձեռք բերված 90,000 իր: Նոր հաստատություն կարելի է այցելել անվճար տոմսերով՝ ընտրված ժամերի համար:
«Իրերի քանակը, որոնք Բոուին պահում էր, ապշեցնում է»-, ասել է կենտրոնի գլխավոր հսկիչ Մադլեն Հադդոնը: «Վայրկյանական գրառումներից մինչև մանրակրկիտ մշակված կոնցեպտուալ էսքիզներ, Բոուին ոչ մի գաղափար աննշան չէր համարում։ Նա հավատում էր, որ ստեղծագործական գործընթացի յուրաքանչյուր փուլ պետք է փաստաթղթավորել, և այս մոտեցման միջոցով նա հարուստ ժառանգություն թողեց տարբեր ոլորտներում աշխատող արվեստագետների համար»,- եզրափակել է նա:
