Իրանը և Թուրքիան քննարկել են սահմանային անցակետի բացման հարցը
Թուրքիայի Աղրը նահանգի Բայազետ շրջանում գտնվող Գյուրբուլաք-Բազերգան սահմանային անցակետի բացման հարցը քննարկվել է թուրք-իրանցի պաշտոնյանների կողմից։ Այս մասին տեղեկացնում է ermenihaber.am-ը։
Սահմանային անցակետի բացման հարցով հանդիպել են Գյուրբուլաքի մաքսային ծառայության գլխավոր տնօրենը և Իրանի Բազերգանի մաքսային ծառայության տնօրենը։ Կողմերը քննարկել են մաքսային համագործակցության և սահմանային առևտրի հեշտացման հետ կապված թեմաներ։
Հանդիպման ընթացքում իրանական պատվիրակությունը այցելել է նաև Գյուրբուլաքի մաքսային վարչության նոր շենքերը։
