Ղազախստանի նախագահը խորհրդարանը բարեփոխելու առաջարկ է արել
Ղազախստանի նախագահ Կասիմ-Ժոմարտ Տոկաևը առաջարկել է 2027 թվականին համազգային հանրաքվե անցկացնել Ղազախստանում միապալատ խորհրդարան ստեղծելու հարցի վերաբերյալ, հաղորդում է Tengrinews.kz-ն։
«Այդ բարեփոխումը պետք է քաղաքացիական հատվածի, փորձագիտական համայնքի և, իհարկե, ներկայիս խորհրդարանի մանրակրկիտ քննարկման առարկա դառնա։ Ըստ իս, հաշվի առնելով բարեփոխման արտակարգ բնույթը, քննարկումը կտևի առնվազն մեկ տարի, որից հետո 2027 թվականին կարող է անցկացվել համազգային հանրաքվե, դրանից հետո կարող են Սահմանադրության մեջ անհրաժեշտ փոփոխություններ կատարվել»,- նշել է նա։
