Կանանց իրավունքների պաշտպաններ և միջազգային կազմակերպություներ, ո՞ւր եք, ինչո՞ւ չեք դատապարտում նիկոլական պատգամավորի լկտի վիրավորանքը Թագուհի Թովմասյանի հասցեին. Էդուարդ Շարմազանով
Էդուարդ Շարմազանովը ֆեյսբուքյան իր էջում գրում է․
«Կանանց իրավունքների պաշտպաններ և միջազգային կազմակերպություներ, ո՞ւր եք, ինչո՞ւ չեք դատապարտում նիկոլական պատգամավորի լկտի վիրավորանքը Թագուհի Թովմասյանի հասցեին։
Այն որ նիկոլականները հատել են բոլոր գծերը, փաստ է։
Սրանց համար «նորմա» է քաղաքացիներին ու գործընկերներին վիրավորելը։
Այսօր հերթական լկտի դրսևորումը ցուցաբերեց նիկոլական խմբակցության տխրահռչակ երեսփոխաններից մեկը Աժ պատգամավոր Թագուհի Թովմասյանի հասցեին։
Սա ոչ միայն դատապարտելի է, այլ նաև զզվելի։
Բայց զզվելի է նաև «ժողովրդավարական բաստիոնի» հովանավորների լռությունը։
Դեսպաններ, միջազգային կազմակերպությունների անդամներ, ո՞ւր եք, ինչո՞ւ եք «բերաններդ ջուր առել»։
Բա էն սուտի իրավապաշտպաններից ի՞նչ կա։
Թե՞ ձեր «թուրը» միայն նախկինների վրա էր կտրում։
Զզվելի եք, պարոնայք և տիկնայք»։
