Ֆրանսիայի խորհրդարանն անվստահություն է հայտնել կառավարությանը

Ֆրանսիայի խորհրդարանի պատգամավորների մեծամասնությունը դեմ է քվեարկել երկրի կառավարությանը վստահություն հայտնելուն՝ վարչապետ Ֆրանսուա Բայրուի ծրագրային ելույթից հետո։

Այս մասին հայտնել է խորհրդարանի ստորին պալատի խոսնակ Յաել Բրաուն-Պիվեն։

Ըստ աղբյուրի՝ քվեարկությանը մասնակցել է ընդհանուր առմամբ 558 պատգամավոր, որոնցից 364-ը դեմ կամ ձեռնպահ են քվեարկել, իսկ 194-ը՝ կառավարությանը վստահություն հայտնելու օգտին։