ՍԱՏՄ-ն լաբորատոր փորձաքննության է ուղարկել Արմավիրի հանրային սննդի կետի հավի մսով ուտեստները
Վերահսկողության շրջանակներում նմուշառում է կատարվել Արմավիր քաղաքի «Արմավիր Գարդեն» հանրային սննդի կետում առկա հումք-հավի մսից, հավի թևիկներից, հավով աղցանից, հավով պիցցայից:
Այս մասին հայտնել է Սննդամթերքի անվտանգության տեսչական մարմինը՝ նշելով, որ լաբորատոր փորձաքննության արդյունքները կհրապարակվեն:
Ավելի վաղ ՍԱՏՄ-ից հայտնել էին, որ «Արմավիր Գարդեն» հանրային սննդի կետում սնվելուց հետո «սննդային թունավորում» ախտորոշմամբ 12 քաղաքացի հայտնվել է հիվանդանոցում:
Առողջապահության նախարարությունը տեղեկացրել էր, որ հիվանդանոց տեղափոխված քաղաքացիներից 4-ը դուրս է գրվել, 8-ը շարունակում է բուժօգնություն ստանալ: Նրանց կյանքին սպառնացող վտանգ չկա:
