Վրաստանը որոշել է ԵԱՀԿ/ԺՀՄԻԳ դիտորդական առաքելությանը հրավիրել ՏԻՄ ընտրություններին
Վրաստանի իշխանությունը որոշել է ԵԱՀԿ/ԺՀՄԻԳ դիտորդական առաքելությանը հրավիրել տեղական ինքնակառավարման մարմինների ընտրություններին, համապատասխան նամակն արդեն ուղարկված է։ Այս մասին հայտարարել է երկրի վարչապետ Իրակլի Կոբախիձեն։
«Մենք հույս ունենք, որ չնայած բազմաթիվ վիրավորանքներին և ճնշումներին, կազմակերպությունը զերծ չի մնա Վրաստան դիտորդական առաքելություն ուղարկելուց։ Վրաստանի կառավարությունը հաստատում է իր լիակատար պատրաստակամությունը՝ ստեղծելու լիարժեք պայմաններ ԵԱՀԿ/ԺՀՄԻԳ դիտորդական առաքելության համար՝ ընտրական գործընթացը դիտարկելու համար»,- հայտնել է Կոբախիձեն։
Հարկ է նշել, որ սովորաբար, ԵԱՀԿ/ԺՀՄԻԳ-ը նախընտրական մոնիթորինգը սկսում է քվեարկությունից մի քանի ամիս առաջ։ Քարոզարշավի սկզբում Կոբախիձեն ասել էր, որ այս տարի չեն հրավիրվի կազմակերպության դիտորդներ, քանի որ տեղական ինքնակառավարման մարմինների ընտրություններում նման դիտորդների կարիք չկա։ ԵԱՀԿ/ԺՀՄԻԳ-ը մտահոգություն էր հայտնել այս որոշման վերաբերյալ՝ մատնանշելով երկրում ընտրական գործընթացի նկատմամբ վստահության հետ կապված առկա խնդիրները։
