Labubu-ի արտադրողի բաժնետոմսերը կտրուկ էժանացել են
Չինական փափուկ խաղալիքների արտադրող Pop Mart ընկերության բաժնետոմսերը, որի շահույթը տարվա առաջին կեսին գրեթե հնգապատկվել էր՝ շնորհիվ Labubu տիկնիկների գլոբալ հաջողության, կտրուկ էժանացել են Հոնկոնգի բորսայում, գրում է Bloomberg-ը։
Վերջին հինգ ամիսների ընթացքում ընկերության արժեթղթերի գների առավելագույն՝ 8,9 տոկոս անկումը պայմանավորված է նրանով, որ մի շարք ներդրողներ նախընտրում են ֆիքսել իրենց շահույթը:
Պատճառներից մեկն է նաև Labubu-ի նկատմամբ երրորդ սերնդի հետաքրքրության նվազումը, նշվում է հրապարակման մեջ։
«Pop Mart-ի արտադրանքի, օրինակ՝ Labubu-ի, գները երկրորդային շուկայում նվազում են՝ պայմանավորված պաշարների համալրմամբ և որոշ սերիաների պահանջարկի անկմամբ»,- գործակալությունը մեջբերում է Morningstar Inc.-ի վերլուծաբան Ջեֆ Չժանին, որի խոսքով նկատվում է «ընկերության նոր արտադրանքների որակի վերաբերյալ բացասական կարծիքների աճ»։
