Լավրովը թվարկել է Ռուսաստանի և ԱՄՆ-ի ընդհանուր շահերը
Ռուսաստանը և Միացյալ Նահանգները կարող են ընդհանուր շահեր ունենալ տնտեսությունում, տիեզերական զարգացմանն ուղղված աշխատանքներում: Այս մասին հայտարարել է ՌԴ ԱԳ նախարարության ղեկավար Սերգեյ Լավրովը, որի խոսքերը մեջբերում է РИА Новости-ն:
«Հետաքրքիր հեռանկարներ, ներառյալ տնտեսության մեջ: Հեղուկացված բնական գազի արտադրություն, այդ թվում Ալյասկայում: Ընդհանրապես, Արկտիկան, իհարկե, համագործակցության մեծ դաշտ է բացում»,- ասել է Լավրովը:
Միևնույն ժամանակ, նախարարը շեշտել է, որ Վաշինգտոնի հետ հարաբերությունները պետք է կառուցվեն միմյանց դիրքերի ազնիվ և բաց քննարկման ճանապարհով:
