Ռուսաստանին թշնամի անվանելով` Եվրոպան պատմական սխալ է թույլ տալիս. Սարկոզի
Եվրոպան պատմական սխալ է թույլ տալիս՝ Ռուսաստանին իր գլխավոր թշնամին անվանելով։ Այս մասին հայտարարել է Ֆրանսիայի նախկին նախագահ Նիկոլա Սարկոզին՝ հավելելով, որ իրական սպառնալիքը միգրացիայի բարձր մակարդակն է։
Նա նշել է, որ Եվրոպայի և Ֆրանսիայի համար սպառնալիքը նախևառաջ ժողովրդագրական բնույթ ունի. 30 տարի հետո Եվրոպայի բնակչությունը 550 մլն–ից կնվազի մինչև 480 մլն, մինչդեռ Աֆրիկայում այն 1.2 մլդ–ից կաճի մինչև 2.4 մլրդ։
«Միգրացիոն ճգնաժամը դեռ չի սկսվել։ Ամենավատը դեռ առջևում է… Սա գոյաբանական ռիսկ է Եվրոպայի համար։ Մինչդեռ մենք Ռուսաստանին սահմանում ենք որպես մեր գլխավոր ռիսկ և մեր առաջնահերթ թշնամի։ Սա պատմական սխալ է», – ասել է Ֆրանսիայի նախկին ղեկավարը։
Սարկոզիի խոսքով՝ միգրանտների համար ավելի ու ավելի դժվար կլինի հաջողությամբ ձուլվել Եվրոպայում՝ մշակութային, կրոնական և տնտեսական պատճառներով։
