Ռուսական քաղաքներից մեկում հայտնաբերվել է Ստալինի բետոնե ոտքը
Վոլգոգրադում հայտնաբերվել է Խորհրդային առաջնորդ Իոսիֆ Ստալինի բետոնե ոտքը։ Mash Տելեգրամ-ալիքը ներկայացրել է ռուսական քաղաքում ստեղծված իրավիճակը:
Անսովոր գտածոն հայտնաբերվել է կոմունալ ծառայությունների աշխատակիցների կողմից իրկանացված աշխատանքների ժամանակ։
Աղբյուրի փոխանցմամբ՝ 1.2 մետր բարձրությամբ և մոտ 200 կիլոգրամ քաշով վերջույթը գտնվել է երեք մետր խորության վրա։ Տեղացի պատմաբան Ռոման Շկոդան պնդում է, որ մեծ հավանականություն կա, որ ոտքը Ստալինի հուշարձանի մի մասն է եղել, որը քանդվել է 1960-ականներին։ Նա նշել է, որ հուշարձանի այդ հատվածը կարող է գրավել զբոսաշրջիկներին, և այդ կապակցությամբ առաջարկել է այն տեղադրել քաղաքային այգիներից մեկում՝ պատվանդանի վրա։
Հաղորդվում է, որ եթե տեղական մշակույթի կոմիտեն դրա կարիքը ունենա, այն կհանձնվի վարչակազմին։
