Ֆրանսիայում մեքենան մխրճվել է ամբոխի մեջ. 1 մարդ զոհվել է, 5-ը՝ վիրավորվել
Շաբաթ առավոտյան Ֆրանսիայի հյուսիսում գտնվող Էվր քաղաքում մեքենան մխրճվել է ամբոխի մեջ, ինչի հետևանքով մեկ մարդ զոհվել է, հինգը՝ վիրավորվել, հաղորդում է AFP-ն՝ հղում անելով դատախազությանը։
Դատախազ Ռեմի Կուտենի խոսքով՝ գինու բարում տեղի ունեցած վիճաբանությունից հետո «մի մարդ, ենթադրաբար, գնացել է մեքենայի հետևից» և «դիտավորյալ մեծ արագությամբ հետընթաց է կատարել հաստատության մուտքի մոտ գտնվող ամբոխի մեջ»։ Դատախազը հավելել է, որ երկու մարդ գտնվում է ծայրահեղ ծանր վիճակում։
